Teater Vestland AS

Teater Vestland, tidlegare Sogn og Fjordane Teater, er eit nynorsk institusjonsteater lokalisert i Førde i Sunnfjord, og er eit regionteater med turnéverksemd i Vestland fylke. Teateret vart etablert i 1977 med namnet Sogn og Fjordane Teater, og var fram til 1980 allmøtestyrt og underlagt Riksteatret. I 2020 endra teateret namn til Teater Vestland i samband med ny regionreform. Teater Vestland er ein del av det nasjonale, kulturpolitiske målet om at alle i Noreg skal ha tilgang til scenekunst av høg kunstnarisk kvalitet. Teateret nyttar nynorsk som målform og vestnorsk som scenespråk, og var det andre nynorskteateret som vart etablert i Noreg. Teater Vestland (tidlegare Sogn og Fjordane Teater) er både eit produserande teater og eit turnéteater. Teateret produserer 5-7 premierer årleg, som har 15-25 framsyningar på turné per produksjon, i tillegg til gjestespel og samarbeidsproduksjonar. Årleg vert det presentert rundt 250 framsyningar og arrangement i regi av Teater Vestland. Dei siste åra har teateret hatt eit årleg besøkstal på ca 18.000. Hausten 2023 flytta teateret inn i nytt teaterhusyn midt i Førde sentrum, Nynorskhuset, som er den største nynorskklynga i landet. Her er Teater Vestland, NRK Vestland og Firda samlokalisert. I første etasje er det 2 teatersalar, foaje og restaurant Røyst. Teater Vestland har 22 fast tilsette per 2023, fordelt på 29 årsverk. Av desse er det 2 fast tilsette skodespelarar. I tillegg engasjerer teateret rundt 80-100 frilansarar i året på dei ulike produksjonane. Teater Vestland er eit aksjeselskap. Eigarane er Vestland fylkeskommune (80%) og vertskommunen Sunnfjord kommune (20%), og har staten som største tilskotsytar.

Org.nr

929181557

Bransje (NACE)

Utøvende kunstnere og underholdningsvirksomhet innen scenekunst

Besøksadresse

Storehagen 10, 6800 Førde

Ansatte

20-49

Telefon

90990600.0

Sist oppdatert: 22.4.2026